Ardhja e sezonit të gripit dhe rritja e vazhdueshme e numrit të të infektuarve ka ngjallur një shqetësimi tjetër, rritjen e numrit të viktimave për shkak të infeksioneve sezonale. Sipas institutit të statistikave kombëtare në Britaninë e Madhe më shumë persona kanë humbur jetën si pasojë e pneumonisë sesa nga Covid-19.
Në një kohë që ditë pas dite numri i të infektuarve po rritet ndjeshëm dhe përafrimi i dimrit paralajmëron rifillimin e gripeve sezonale, nga Britania e Madhe vjen një lajm jo shumë pozitiv. Gripi dhe pneumonia kanë vrarë 10 herë më shumë britanikë se Covid-19 javën e kaluar, raporton instituti kombëtar i statistikave ONS. Në javën që përfundon më 28 gusht 2020, 1,040 persona humbën jetën si pasojë e gripit ose pneumonisë, në të njëjtën periudhë u shënuan vetëm 101 viktima nga COVID-19.
Shumë viktima kanë qenë të infektuar me të dy edhe me grip dhe me COVID-19, por vdekjet e tyre janë listuar për shkak të covid-19. Por sipas të dhënave të institutit të statistikave ka rënë përqindja e vdekjeve nga 1.4% deri në 1 %. Ndërkohë që sipas një studimi të CNN, fëmijët me simptoma të lehta ose pa simptoma mund të transmetojnë COVID-19. Sipas studimit 12 fëmijë të prekur në një institucion të përkujdesit për fëmijë , ua transmetuan të paktën 12 personave jashtë institucionit, përfshirë anëtarët e familjeve.
Studiuesit zbuluan se edhe 2 prej fëmijëve që ishin asimptomatikë, ua transmetuan virusin personave të tjerë. Studiuesit kanë deklaruar se gjurmimi i kontaktit dhe testimi në kohë i Covid-19, në mjediset e përkujdesit për fëmijë, përfshirë njerëzit asimptomatikë, mund të ndihmojnë në parandalimin e përhapjes së virusit..
