Barcelona nuk ka arritur më shumë se një barazim 1:1 me Athletic Bilbaon në ndeshjen e xhiros së dytë në La Liga, duke e bërë kështu gabimin e parë të sezonit.
Pjesa e parë përfundoi ashtu siç edhe nisi, pa gola. Të dy ekipet patën raste, por nuk arritën t’i konkretizonin ato.
Me të filluar pjesa e dytë, Athletic Bilbao arrin të kalojë në epërsi.
Ishte Martinez i cili realizoi golin e epërsisë në minutën e 60-të të ndeshjes, pas asistimit nga Muniain.
Goli i barazimit erdhi në minutën e 75-të të ndeshjes. Memphis Depay me një supergol barazoi gjithçka, por katalunasit nuk arritën të bënin diçka më tepër.
Depay e kishte edhe një mundësi tjetër në minutën e 85-të, por topi përfundoi jashtë portës.
Me këtë barazim, Barcelona ka katër pikë nga dy ndeshje, kurse Athletic Bilbao ka dy pikë.
