BILD
Akuza të rënda kundër Kinës!
Një raport sekret prej katër faqesh nga Departamenti Amerikan për Sigurinë e Brendshme (DHS) sugjeron se Kina ka mbuluar shpërthimin e koronës për blerë pajisjet mjekësore të nevojshme në tregjet ndërkombëtare.
Në raport thuhet: Ndërsa Xi Jinping e la botën në paqartësi përmes gënjeshtrave, Kina fitoi një avantazh global!
Prandaj regjimi komunist e minimizoi qëllimisht rrezikun e paraqitur nga korona në fillim të janarit.
Në të njëjtën kohë, Kina rriti importin e pajisjeve mjekësore dhe uli në mënyrë drastike eksportin!
Sipas Departamentit Amerikan për Siguri të Brendshme, Pekini luaji një hile: Për të siguruar që manovra të mos pikasej nga bota, të dhënat e tregtisë u publikuan me vonesë.
Regjimi porositi maska mbrojtëse, doreza dhe veshje kirurgjikale në sasi të mëdha, dhe siguroi që mjetet e nevojshme ndihmëse të mos dilnin nga vendi.
Organizata Botërore e Shëndetit nuk u informua nga Pekini që fitoi në këtë mënyrë një avantazh të rëndësishëm që në fillim. Mjekët kinezë, që kërkonin të tërhiqnin vëmendjen për rrezikun e virusit që në janar, u heshtën nga regjimi.
Rezultati: pengesa ekstreme në tregjet ndërkombëtare, gjë që e bëri jashtëzakonisht të vështirë për vende si Italia që të luftojnë virusin!
