Bill Gates paralajmëroi se çdo vaksinë kundër koronavirusit do të dojë disa doza që të ketë efekt te njeriu.
Ai u shpreh se ka besim tek gjetja e një vaksine të sigurt dhe shumë efikase, por shtoi se do të duhen disa doza vaksine për të zhdukur virusin.
“Në këtë pikë që jemi, asnjë nga vaksinat nuk duket se do të bëjë punë me një dozë të vetme. Shpresa ishte kjo, që do të mjaftonte një vaksinë, por duket se jo”, tha themeluesi i Microsoft në një intervistë për “CBS News”.
Ai theksoi se do të ketë shumë pasiguri mbi efikasitetin e çdo vaksine, por nënvizoi se gjithçka do të zgjidhet me kohën.
