Protestat masive nëpër rrugë në Birmani hynë në javën e dytë, me protestuesit apo qeverinë ushtarake që nuk tregojnë ndonjë shenjë tërheqje.
Protestuesit në Yangon, qyteti më i madh i vendit, u mblodhën në një udhëkryq nga i cili grupet u larguan për në pika të tjera, duke përfshirë ambasadat e Shteteve të Bashkuara dhe Kinës. Ata marshuan pavarësisht nga një urdhër që ndalonte tubimet e pesë ose më shumë njerëzve.
SHBA, veçanërisht pas njoftimit nga presidenti Joe Biden për sanksionet kundër regjimit ushtarak, konsiderohet si një aleat në luftën e protestuesve kundër grusht-shtetit të 1 shkurtit. Kina shquhet si një aleate e gjeneralëve në pushtet, mbështetja e të cilëve është thelbësore për ata që të mbajnë kontrollin e pushtetit.
Protestat rifilluan gjithashtu në qytetin e dytë më të madh, Mandalay, me avokatët që përbënin një kontingjent të madh të protestueseve.
