Progres i rëndësishëm është bërë në negociatat tregtare postBrexit midis Bashkimit Europian dhe Britanisë së Madhe, thanë sot burime të shumta europiane.
“Tani jemi në fazën përfundimtare”, tha një zyrtar i BE-së.
“Pas muajsh bllokimi dhe vetëm shumë pak përparim, palët negociuese po i afrohen një marrëveshje”, shtoi ai.
Sipas këtyre burimeve, duket se çështja e konkurrencës së ndershme midis dy partnerëve tregtarë është zgjidhur.
E vetmja mosmarrëveshje e mbetur është ajo e peshkimit, por sipas raportimeve BE dhe BM po i afrohen një marrëveshjeje.