Aksidentet rrugore vijojnë të jenë një nga problematikat më të mëdha në vendin tonë, ndërsa ky fenomen dita ditës po theksohet edhe më shumë.
Një ngjarje e rëndë u regjistrua dy ditë më parë në Shkodër, ku dy turistë polakë humbën jetën, për shkak të përplasjes nga një automjet i cili ishte me shpejtësi tej normave të lejuara.
Një tjetër u regjistrua këtë të diel në kryeqytet, ku një tjetër shofer i pandërgjegjshëm përplasi 3 këmbësore tek vijat e bardha, ku fatmirësisht ata ndodhen jashtë rrezikut për jetën.
Nisur nga këto ngjarje, Drejtori i Përgjithshëm i Policisë së Shtetit Gledis Nano, ka kërkuar nga të gjitha strukturat e policisë rrugore, që të ndëshkojnë të gjithë drejtuesit e automjeteve që nuk respektojnë rregullat e qarkullimit rrugor.
