Sekretari amerikan i Shtetit, Anthony Blinken deklaroi se “vazhdimi i angazhimit të Turqisë në NATO është në interesin e të gjithëve”.
Blinken dhe sekretari i përgjithshëm i NATO-s, Jens Stoltenberg, zhvilluan një bisedë me temë “Përforcimi i lidhjes transatlantike” në selinë e NATO-s në Bruksel.
Duke iu përgjigjur një pyetjeje rreth Turqisë, Blinken tha se kanë mendime të ndryshme në disa tema me Turqinë, por NATO-ja përveç çështjeve të tjera të mosmarrëveshjes veçanërisht në lidhje me uljen e tensioneve në Mesdheun Lindor ka treguar se luan një rol efektiv.
Ai tha se ky është një shembull shumë pozitiv dhe se duhet vazhduar përpjekjet në lidhje me pakësimin e tensioneve.
Blinken vuri në dukje se nuk është sekret se kanë mospajtime me Turqinë.
“Turqia është aleati ynë me të cilin kemi të kaluar të gjatë dhe që e vlerësojmë. Vazhdimi i angazhimit të Turqisë në NATO është në interesin e të gjithëve”, u shpreh Blinken.
