Londra zyrtare u ka dhënë një goditje reklamave të të ashtuquajturave ushqime të padëshiruara ( kryesisht ushqime fast food).
Nga data 1 tetor 2025, reklamat e këtij lloj produkti do të ndalohen para orës nëntë të mbrëmjes, për të mbrojtur mbi të gjitha fëmijët dhe të rinjtë, objektivi kryesor i ushqimeve të cilat sipas ankesave të mjekëve dhe organeve shëndetësore kërcënojnë shëndetin e njerëzve.
Konsumatorët e këtyre ushqimeve kontribuojnë në shumëfishimin e rasteve të obezitetit. ashtu si në shumë vende të tjera perëndimore
Kryqëzata kundër ‘ushqimit të padëshiruar’ kishte filluar vitet e fundit veçanërisht nga qeveria konservatore e Boris Johnson, protagonist i një kthese të vetëdijshme shëndetësore dhe personale kundër mbipeshës pas shtrimit të tij dramatik në kujdesin intensiv për Covid në 2020.
Nën udhëheqjen e BoJo. ishin futur disa masa kufizuese për promovimin dhe shitjen e “junk food” ose pijeve me super sheqer.
