Ish-kryeministri britanik, Boris Johnson, i cili u gjobit për thyerjen e rregullave të pandemisë gjatë qeverisjes së tij, është denoncuar përsëri në polici.
Times e Londrës tha të martën se Johnson u raportua nga nëpunësit civilë për vizitat e dyshuara në Chequers, si dhe për shkelje të mundshme në rezidencën kryeministrore në Downing Street.
Forcat e Policisë Metropolitane dhe Policia e Luginës së Thames thanë se po vlerësonin detajet, në lidhje me incidentet midis qershorit 2020 dhe majit 2021.
The Times tha se shkeljet e mundshme dolën në dritë ndërsa Johnson po përgatiste dëshminë e tij për hetimin se si vendi trajtoi pandeminë COVID-19.
Zyra e Kabinetit, një departament qeveritar që mbështet punën e kryeministrit, tha se “informacionet dolën në dritë gjatë procesit të përgatitjes së provave për paraqitjen në hetimin e COVID”. Apnews
