Kryetari i Partisë Demokratike Lulzim Basha ka pritur ditën e sotme dy anëtarë të Partisë Socialistë, të cilët kanë shpallur publikisht mbështetjen e tyre për Partinë Demokratike. Serian Mazreku dhe Ardit Kërtusha, dy aktivistë dhe figura të rëndësishme të socialistëve janë shprehur të trishtuar për kapjen e qytetit të tyre bregdetar të Durrësit nga ato që ata i quajnë interesat e ngushta të ish-kryebashkiakut Vangjush Dako.
Mazreku, administrator i njësisë administrative Kënetë, u ka bërë thirrje të gjithë të afërmve të tij të mbështesin PD-në dhe të mos shesin votën. Nga ana e tij, ish-kryetari i FRESSH për qytetin e Durrësit, Ardit Kërtusha është shprehur se qyteti ka mbetur peng i interesave të Dakos. Sipas dy funksionarëve e tërë kjo situatë ndodh sepse PS ka etje për pushtet me dhunë.
