Gjykata e Lartë Zgjedhore e Brazilit ka vendosur ndalimin e ish-presidentin Jair Bolsonaro për të kandiduar për tetë vjet.
Bolsonaro u shpall fajtor për abuzim me pushtetin përpara zgjedhjeve presidenciale të vitit të kaluar. Ai ishte akuzuar për minimin e demokracisë braziliane duke pretenduar në mënyrë të rreme se fletëvotimet elektronike të përdorura ishin të pambrojtura ndaj hakerave dhe mashtrimeve.
Avokatët e Bolsonaro pritet të apelojnë kundër vendimit. Ata kanë argumentuar se deklaratat e tij nuk kishin asnjë ndikim në rezultatin e zgjedhjeve.
Sipas vendimit të Gjykatës, Bolsonaro nuk do të ketë të drejtë të marrë pjesë në zgjedhjet e ardhshme presidenciale në 2026, por do të jetë në gjendje të kandidojë përsëri në 2030.
Ai gjithashtu do të përjashtohet nga zgjedhjet komunale që do të mbahen në 2024 dhe 2028.
Bolsonaro e quajti vendimin një “thikë pas shpine” dhe tha se do të vazhdojë të punojë për të çuar përpara politikën e krahut të djathtë në Brazil.
Çështja kundër ish-presidentit u rrotullua rreth një fjalimi që ai mbajti kur ishte ende president në 2022.
Më 18 korrik, ai ftoi diplomatë të huaj në rezidencën e tij në kryeqytetin Brasilia, ku pretendoi në mënyrë të rreme se makinat elektronike të votimit të përdorura në Brazil ishin të prirura për t’u hakuar dhe për të hapura për mashtrime në shkallë të gjerë.
Bolsonaro pohoi se ai “thjesht shpjegoi se si funksionojnë zgjedhjet në Brazil” dhe nuk kritikoi apo sulmoi sistemin zgjedhor.
Por fjalimi erdhi në mes të një fushate polarizuese presidenciale që e pa Bolsonaron të sfidohej për postin kryesor nga rivali i tij i përhershëm, krahu i majtë Luiz Inácio Lula da Silva.
Bolsonaro kurrë nuk e pranoi publikisht humbjen e tij dhe u largua nga Brazili për në Florida dy ditë para se Lula të betohet si president.
Mbështetësit e tij, të cilët refuzuan të pranonin rezultatin e zgjedhjeve, sulmuan Kongresin e Brazilit, pallatin presidencial dhe ndërtesën ku ndodhet Gjykata e Lartë më 8 janar./ BBC
