Një vajzë 7 vjeçare dhe një djale 11 vjeç u gjeten të vdekur në Stoke-on-Trent, ndërsa një grua është arrestuar në dyshim për vrasje.
Kjo ndodhi pasi policia u thirr për herë të parë në një lavazh makinash në rrugën Campbell pas orës 2 pasdite të dielës, pas raporteve për një sulm me thikë mes një burri dhe një gruaje.
Një burrë në moshën 40 vjeç u dërgua në spital nga ekipi i ndihmës së parë të shëndetit nga West Midlands Ambulance Service jasht rrezikut per jeten.
Pas kësaj, oficerët shkuan në një shtëpi në rrugën Flax dhe gjetën dy fëmijë pa shenja jete dhe me plagë ne trup.
Një grua 49-vjeçare që ishte arrestuar fillimisht për sulmin me thikë, është arrestuar më tej në dyshim për vrasje dhe mbetet në pranga.
Shefi i hetimeve, Inspektoreja Kryesore e Detektivëve, Cheryl Hannan, tha: “Tani mund të konfirmojmë se dy personat që humbën jetën janë një djalë 11-vjeçar dhe një vajzë 7-vjeçare”.
“Prioriteti ynë ishte të informonim familjen para se të konfirmoheshin moshat e fëmijëve. Ata po marrin mbështetje nga oficerët e trajnuar veçanërisht për këtë qëllim.
Gruaja e arrestuar ishte e njohur e fëmijëve.
Ajo vazhdoi: “Mendimet tona janë me familjen dhe miqtë e fëmijëve. Nuk mund të imagjinoj dhimbjen dhe tronditjen që po ndiejnë.
“Ne gjithashtu kuptojmë shqetësimin që ndihet lokalish rreth kësaj ngjarjeje dhe spekulimet rreth asaj që ka ndodhur.”
Detektivët kanë bërë thirrje për çdo informacion dhe janë veçanërisht të interesuar për çdo video-surveillance ose filmime dashcam nga zona e rrugëve Flax dhe Campbell në mesin e orës 1:30 dhe 2:30 pasdite të dielës, dhe dëshiron të dëgjojë nga kushdo që ishte në zonë në atë kohë.
DCI Hannan shtoi: “Fokusi ynë vazhdon të jetë për të zbuluar më shumë rreth atë që ka ndodhur dhe për të mbështetur familjen gjatë kësaj kohe të thellësisht tronditëse dhe tragjike.”
