Mbi 3,8 milionë qytetarë të BE-së kanë bërë kërkesë për t’u vendosur në Britaninë e Madhe, sipas një skeme të nisur pas referendumit për Brexit, tha qeveria britanike.
“Unë jam i kënaqur që ka pasur më shumë se 3,8 milionë aplikime”, tha Kevin Foster, ministri britanik i Imigracionit.
”Më shumë se 2 milionë njerëzve u është dhënë e drejta për të jetuar dhe punuar në vend”, tha Ministria e Brendshme britanike.
”Ndërkohë, 4 600 aplikime janë refuzuar, 36 500 janë anuluar ose janë tërhequr dhe 34 900 ishin të pavlefshme”, sipas ministrisë.
Britania e Madhe u largua zyrtarisht nga Bashkimi Europian më 31 janar.
Bisedimet mbi marrëdhëniet e ardhshme të Londrës me BE-në janë penguar nga pandemia e koronavirusit.
