Protestuesit kanë detyruar një numër objektesh të ndalojnë punën pasi i bëjnë thirrje qeverisë së Mbretërisë së Bashkuar të ndalojë projektet e reja të naftës dhe gazit. Një aktivist i tha Sky News ‘mosbindja civile do të rritet derisa të shohim ndryshim’.
Rreth 100 protestues kanë ndërprerë terminalet kryesore të naftës në Angli, për të tretën ditë radhazi.
Aktivistët nga grupi mjedisor ‘Just Stop Oil’ kanë detyruar një numër objektesh të ndalojnë punën të dielën.
Protestuesit kërkojnë që qeveria e Mbretërisë së Bashkuar të ndalojë projektet e reja të naftës dhe gazit.
Më shumë se 30 anëtarë të Just Stop Oil qëndruan jashtë terminalit të naftës Buncfield në Hertfordshire gjatë natës.
Në orët e para të mëngjesit të së dielës, 12 aktivistë arritën të hyjnë në objekt.
Disa qëndruan në kamionë me karburant me pankarta dhe refuzuan të zbrisnin, ndërsa të tjerët u ulën jashtë portave për të parandaluar largimin e cisternave.
Ronan, një protestues që fjeti gjatë natës në vend, tha për Sky News: ‘Kjo është një fushatë në vazhdim, kështu që nuk ka një datë për ndalimin e saj’.
