Kryeministri britanik Boris Johnson ka njoftuar për rritjen e kufizimeve si pasojë e koronavirusit, duke bërë që edhe numri i pjesëmarrësve në dasma të mos jetë më i madh se 15 sosh.
Kosova e ka vuajtur çështjen e dasmave gjatë gjithë verës shkaku i njerëzve të papërgjegjshëm e budallenj që mblidheshin nëpër raste martesash e të ngjashme. Kjo ka bërë që numri i rasteve të infeksioneve dhe të të vdekurve nga Covid-19 të rritet.
Kryeministri britanik së fundi njoftoi rregullat më strikte për këto ceremoni, shkruan Independent.
Megjithatë, në ceremonitë e funeraleve Johnson deklaroi se do të lejoheshin që të merrnin pjesë 30 persona.
Sipas tij kishte prova që virusi po shpërndahej mes moshave më të ndjeshme, dhe se vetëm tetë për qind e britanikëve kishin fituar anti-trupa deri tash.
