Nuk pranoi ndarjen, i prish shtëpinë me kamion ish të dashurës
Publikuar më: 3/7/2022, ora 18:45
Një shofer kamioni është shpallur fajtor nga një gjykatë në Britaninë e Madhe, pasi i prishi shtëpinë ish-të dashurës së tij, pasi nuk pranonte ndarjen prej saj.
34 vjeçari Derek Wellington e përplasi kamionin e tij të tonazhit të rëndë me ndërtesën ku banonte Sara Cassidy në East Kilbride, South Lanarkshire, duke e dëmtuar rëndë shtëpinë dhe rrezikuar në këtë mënyrë jetën 2 dy fëmijëve të 33 vjeçare.
Sipas burimeve, Derek shkaktoi një dëm prej 500 mijë euro në banesë dhe detyroi dhe 7 familje të tjera që të evakuoheshin.
Wellington u deklarua fajtor për një sërë akuzash, duke përfshirë sjelljen e qëllimshme dhe të pamatur që rrezikoi jetën e disa personave.
34-vjeçari ishte liruar me kusht pas disa muajve burg pas një incidenti të mëparshëm ku ai sulmoi të dashurën Sara Cassidy në një hotel në Edinburg.
