Para se të shkonin në shtrat, Rebecca Downes dhe partneri i saj Patrick Ramsey ishin gjithmonë vigjilentë për shkëputjen e pajisjeve nga priza në shtëpi.
Pasi humbi shtëpinë e fëmijërisë në një zjarr të shkaktuar nga një defekt elektrik, Rebecca, e njohur nga familja e saj si Becky, kishte arsye për të qenë e kujdesshme. Kështu, kur Patrick një mbrëmje solli një biçikletë elektrike në shtëpi, ata vendosën ta karikonin në dhomën e gjumit dhe jo në kuzhinë.
Bateria, e cila kishte përmasa afërsisht 14 x 3,6 inç, shpërtheu si një ‘qiri romak’, ndërsa flakët dhe tymi përfshiu menjëherë dhomën. Ndërsa bateria e ndezur po bllokonte derën, mënyra e vetme e shpëtimit të çiftit ishte të hidheshin 30 metra nga dritarja e katit të dytë.
Ndërsa Patrick mbijetoi, megjithëse kishte nevojë për kujdes spitalor prej muajsh, Becky, nënë e katër fëmijëve, vdiq nga plagët e tmerrshme që pësoi pas rënies, shkruan Daily Mail.
Zjarret nga skuterët dhe biçikletat me energji elektrike kanë shkaktuar tetë vdekje dhe të paktën 190 të plagosur në Mbretërinë e Bashkuar që nga viti 2020, dhe thuhet se janë shkaku i të paktën gjashtë zjarreve në javë.
Ajo që i ndodhi Becky-t, e cila ishte 44 vjeçe, dhe familjes së saj është një shembull shqetësues i rreziqeve që ato paraqesin. Hetimi për vdekjen e Becky-t vitin e kaluar zbuloi se si çifti zotëronte një dyqan biçikletash në qytetin e tyre të lindjes në Blackpool dhe kohët e fundit kishin filluar tregtimin e biçikletave elektrike dhe skuterëve.
Fundjavën para zjarrit, Patrick i kishte çuar një biçikletë një miku të specializuar në elektronikë, pasi dukej se kishte një problem me baterinë.
