Kryeministri britanik Rishi Sunak ka pranuar se planet e tij për të ndaluar anijet që kalojnë Kanalin “nuk do të ndodhin brenda natës” dhe nuk pranoi të premtojë se ato mund të përfundojnë deri në zgjedhjet e ardhshme të përgjithshme.
Në një intervistë Sunak tha se çështja e emigracionit është “e ndërlikuar dhe pa një zgjidhje të thjeshtë”.
Deklarata vjen pasi shifrat treguan se më shumë se 4 500 njerëz u zbuluan duke kaluar Kanalin me varka të vogla këtë vit, pavarësisht nga premtimi për moslejim i autoriteteve.
Sunak është zotuar të “ndalojë anijet” si një nga pesë prioritetet e tij kryesore.
I pyetur nëse do të jetë në gjendje ta bëjë këtë deri në zgjedhjet e ardhshme, ai tha: “Unë gjithmonë kam thënë se nuk është një gjë e lehtë; është një problem i ndërlikuar ku nuk ka asnjë zgjidhje të vetme të thjeshtë që do ta rregullojë atë”.
