Ushtrimi jashtë shtëpisë mund të ndalohet nëse njerëzit injorojnë rregullat e distancës sociale të koronavirusit, ka paralajmëruar sot sekretari britanik i Shëndetësisë.
Matt Hancock i BBC-së se qeveria do të “ndërmarrë veprime nëse duhen masa të mëtejshme, për ta sjellë koronavirusin nën kontroll”.
Reagimi vjen pas raporteve të grupeve të njerëzve që mblidhen në parqe gjatë motit me diell këtë fundjavë.
Numri i të vdekurve në Britani dje ka arritur në 4313.
“Nëse nuk doni që ne të ndërmarrim hapin për të ndaluar ushtrimin e të gjitha formave jashtë shtëpisë tuaj, atëherë duhet të ndiqni rregullat”, tha Hancock.
Sekretari i Shëndetësisë tha se shumica dërrmuese i përmbahen udhëzimeve, duke shtuar “le të mos e prish një pakicë atë, për të gjithë”.
Ai tha se koha e kufizimeve do të varet nga mënyra se si njerëzit sillen, duke shtuar se “sa më shumë njerëz të qëndrojnë në shtëpi, aq më pak do të përhapet virusi”, transmeton Albuk Tv.
