Një 84-vjeçar, i cili vdiq nga koronavirusi në janar, u infektua me virusin në dhjetor, të paktën dy javë para se Kina të paralajmëronte OBSH për shpërthimin e epidemisë.
Kjo u zbulua nga ekzaminimet e autopsisë dhe testi i taponit i kryer pas vdekjes së Peter Attwood, një pacient i moshuar britanik, vdekja e të cilit është regjistruar si “infeksion Covid-19 dhe bronkopneumoni”.
Historia, e raportuar nga disa media në Mbretërinë e Bashkuar, tregon për ekzistencën e Covid-19 shumë përpara se Kina të paralajmëronte Organizatën Botërore të Shëndetësisë. Sipas asaj që është rindërtuar, 84-vjeçari vdiq në 30 janar.
Vdekja e burrit përshkrua si “atak i zemrës dhe pneumoni”, por testet e mëtejshme të kryera pas vdekjes së tij zbuluan se Coronavirus ishte i pranishëm prej kohësh në indin e tij të mushkërive. Sipas asaj që familja e tij ka rindërtuar, Attwood, i cili nuk kishte udhëtuar kohët e fundit jashtë vendit, dyshohet se përjetoi simptomat e para më 15 dhjetor, dy javë para se Kina t’i komunikonte zyrtarisht OBSH fillimin e epidemisë së Coronavirusit.
Sipas vajzës së viktimës, kjo tregon se virusi kishte qenë i pranishëm në Mbretërinë e Bashkuar para shpalljes së emergjencës shëndetësore.
