Britania e cila ka siguruar mbi 300 mijë predha topi për Ukrainën, këtë vit ka premtuar se do të dorëzojë edhe dhjetëra mijëra predha artilerie
Britania e Madhe ka premtuar se do të furnizojë Ukrainën edhe me dhjetëra mijëra predha të tjera artilerie, transmeton Anadolu.
Në një deklaratë nga Ministria britanike e Mbrojtjes thuhet se Britania e cila ka siguruar mbi 300 mijë predha topi për Ukrainën, këtë vit ka premtuar se do të dorëzojë edhe dhjetëra mijëra predha artilerie.
Sekretari britanik i Mbrojtjes, Grant Shapps pas takimit të Grupit të Kontaktit për Mbrojtjen e Ukrainës që u mbajt në Gjermani, dha deklaratë ku potencoi përkushtimin e palëkundur të vendit të tij për Ukrainën.
Ai tha se mirëpret unitetin e partnerëve dhe aleatëve në çështjen e sigurimit të mbështetjes ushtarake për Ukrainën.
Në kuadër të takimit, Shapps zhvilloi bisedime dypalëshe mes Sekretarin amerikan të Mbrojtjes, Lloyd Austin dhe ministrin ukrainas të Mbrojtjes, Rustem Umerov.
