Alarmet synohen për situata në të cilat ka një rrezik të menjëhershëm jete, si ngjarje të lidhura me motin ekstrem, ose gjatë një sulm terrorist, thekson qeveria.
Sistemi kombëtar për dërgimin e alarmeve të emergjencave në telefonat celularë në Mbretërinë e Bashkuar do të testohet përsëri në shtator, ka njoftuar qeveria britanike, raporton BBC.
Alarmet do t’i vibrojnë dhe aktivojnë sirenat e celularëve për dhjetë sekonda, duke shfaqur njëherësh një mesazh në ekran në orën 15 – sipas kohës lokale – më 7 shtator, edhe nëse celularët janë “silent”.
Alarmet synohen për situata në të cilat ka një rrezik të menjëhershëm jete, si ngjarje të lidhura me motin ekstrem, ose gjatë një sulmi terrorist.
Një test kombëtar i kryer më 2023 tregoi se kishte disa telashe teknike – disa persona u alarmuan më herët sesa ishte pritur dhe disa të tjerë raportuan se nuk ishin alarmuar fare.
Shumë përdorues të rrjetit Three nuk kishin pranuar kurrfarë alarmi – sikur se edhe disa përdorues të rrjeteve të tjera celulare – derisa të tjerët ishin alarmuar disa herë.
Qeveria britanike e kishte pranuar më vonë se mesazhi nuk kishte arritur te 7 % e përdoruesve të pajisjeve.
Qeveria ishte zotuar se do të spikaste problemet dhe se do të merreshin të gjitha masat para testit të radhës.
Kabineti qeveritar britanik synon të sigurohet se sistemi do të punojë dhe të jetë i sigurt që njerëzit të mësohen me alarmet sikur se tashmë po i përdorin vendet e tjera, si Shtetet e Bashkuara dhe Japonia.
Prej rreth 87 milionë përdoruesve të celularëve në Britani, alarmet do t’u dërgohen vetëm atyre që kanë celularë me rrjet 4G dhe 5G. Celularët më të vjetër, dhe ata të lidhur me 2G dhe 3G nuk do ta pranojnë mesazhin.
Ministri Pat McFadden ka thënë: “Sikur se alarmi i zjarrit në shtëpinë tuaj, është e rëndësishme që ne të testojmë sistemin me qëllim që ta dimë se do të funksionojë nëse na duhet”.
