Mbretëria e Bashkuar dhe Franca janë pajtuar për një pilot skemë që do t’ua mundësojë disa emigrantëve të cilët kalojnë Kanalin Anglez në gomone të rikthehen në Francë, një hap që kryeministri britanik, Keir Starmer, shpreson se do të sinjalizojë një qëndrim më të sertë ndaj migrimit ilegal, raporton Euronews.
Starmer dhe presidenti francez, Emmanuel Macron, e kanë arritur marrëveshjen gjatë vizitës shtetërore të Macronit në Londër.
Megjithëse e kufizuar për nga përmasat, zyrtarët britanikë e kanë lavdëruar ujdinë si moment kthese dhe kanë thënë se do të vendosë një precedent që ua mundëson emigrantëve që arrijnë ilegalisht në ishull të kthehen matanë Kanalit.
Starmer ka thënë se marrëveshja është arritur duke marrë parasysh qëllimet e përbashkëta të dy vendeve.
“Për herë të parë, migrantët që arrijnë me varka të vogla do të arrestohen dhe do të kthehen në Francë” – ka thënë ai.
Sipas planin “një hyn, një del”, Britania e Madhe do të kthejë në Francë një numër migrantëve që kalojnë Kanalin dhe në këmbim, do të kthejë një numër të njëjtë azilkërkuesish që pretendojnë se kanë të drejtë azili.
Plani pritet të zbatohet brenda pak javësh dhe është dizajnuar që të neutralizojë kalimet e rrezikshme, që janë kthyer në çështje të fuqishme politike në Mbretërinë e Bashkuar. Më shumë se 21 mijë persona kanë arritur sivjet në vend, apo 56 për qind për qind më shumë se për të njëjtën periudhë kohore të vitit të kaluar.
