Bota
Britania e Madhe, Australia, Gjermania, Italia dhe Zelanda e Re dënojnë planin e Izraelit: Rrezikon jetët e pengjeve dhe civilëve
Mbretëria e Bashkuar, Australia, Gjermania, Italia dhe Zelanda e Re kanë kritikuar ashpër vendimin e Izraelit për të nisur një ofensivë të re ushtarake në shkallë të gjerë në Gaza, duke paralajmëruar se kjo do të “përkeqësojë situatën katastrofike humanitare” në këtë territor.
Në një deklaratë të përbashkët, ministrat e jashtëm të pesë vendeve shprehën shqetësimin se operacioni do të “rrezikojë jetën e pengjeve” dhe “mund të shkelë ligjin ndërkombëtar humanitar”, sipas Sky News.
Kjo deklaratë vjen një ditë pasi kabineti i sigurisë së Izraelit miratoi një plan për të marrë kontrollin ushtarak të qytetit të Gazës, duke përfunduar se një pushtim i plotë i enklavës është i nevojshëm për të përfunduar konfliktin.
Rritje e përshkallëzimit të luftës
Lufta në Gaza nisi pas sulmit të Hamasit më 7 tetor 2023, dhe kjo ofensivë e re paraqet një përshkallëzim tjetër serioz të konfliktit.
“E kundërshtojmë fuqishëm këtë vendim,” thuhet në deklaratën e përbashkët. “Ai rrezikon jetën e pengjeve dhe përkeqëson zhvendosjen masive të civilëve. Planet e qeverisë së Izraelit mund të shkelin ligjin ndërkombëtar humanitar. Çdo përpjekje për aneksim apo zgjerim të vendbanimeve është në kundërshtim me ligjin ndërkombëtar.”
Pesë vendet gjithashtu kërkuan një armëpushim të përhershëm, duke paralajmëruar se “skenari më i keq i urisë po realizohet në Gaza”.
Ndihmat humanitare dhe reagimi ndërkombëtar
Analiza nga Sky News ka treguar se hedhjet ajrore të ndihmave po japin ndikim të vogël ndaj krizës së urisë në Gaza dhe përbëjnë rrezik për civilët – një baba i dy fëmijëve ka humbur jetën pasi u godit nga një pako që ra nga ajri.
Ndërkohë, Franca, Kanadaja, Katari, Emiratet e Bashkuara Arabe dhe Kombet e Bashkuara kanë kritikuar gjithashtu planin e Izraelit për një pushtim të plotë të Gazës.
Kryeministri izraelit, Benjamin Netanyahu, shprehu “zhgënjimin” e tij në një bisedë telefonike me kancelarin gjerman Friedrich Merz, pasi Gjermania vendosi të ndalojë shitjen e armëve për Izraelin.
Në një postim në X, zyra e Netanyahu shkroi:
“Në vend që të mbështesë luftën e drejtë të Izraelit kundër Hamasit, Gjermania po shpërblen terrorizmin e Hamasit duke vendosur embargo armësh ndaj Izraelit.”
Përplasjet politike ndërkombëtare
Ambasadori amerikan në Izrael, Mike Huckabee, kritikoi ashpër liderin britanik Sir Keir Starmer, pasi ky i fundit deklaroi se përshkallëzimi i ofensivës izraelite në Gaza është “i gabuar”.
Në X, Huckabee shkroi:
“Pritet që Izraeli të dorëzohet ndaj Hamasit dhe t’i ushqejë ata, ndërkohë që pengjet izraelite po vdesin nga uria? A e dorëzua Britania ndaj nazistëve dhe i furnizoi me ushqim? A keni dëgjuar për Dresdenin, z. Starmer?”
Në një postim tjetër ai shkroi:
“Sa ushqim kanë dërguar Starmer dhe Britania në Gaza? Kryeministri izraelit ka dërguar tashmë 2 milionë ton ndihma – asnjëra nuk po arrin tek pengjet.”
Sir Keir ka premtuar se do ta njohë shtetin palestinez në shtator, nëse Izraeli nuk ndërmerr hapa të qartë drejt përfundimit të luftës.
Takimet diplomatike dhe Këshilli i Sigurimit
Ndërkohë që kritikikat ndaj Izraelit vazhdojnë, presidenti amerikan JD Vance dhe ministri i jashtëm britanik David Lammy u takuan të premten në Kent. Z. Vance tha se ka “mosmarrëveshje” në mënyrën se si mund të arrihen objektivat e përbashkëta në Lindjen e Mesme.
Ai shtoi:
“Nuk e di çfarë do të thotë realisht njohja e një shteti palestinez, duke marrë parasysh mungesën e një qeverie funksionale atje.”
Këshilli i Sigurimit i OKB-së do të mblidhet të shtunën për të diskutuar situatën në Lindjen e Mesme. Ambasadori Riyad Mansour, përfaqësues i përhershëm i Palestinës në OKB, tha se disa vende kanë kërkuar një takim të posaçëm për të diskutuar planet e Izraelit për pushtimin e Gazës.
Protestat dhe grevat në Iran për shkak të inflacionit dhe zhvlerësimit të monedhës janë përhapur nga kryeqyteti, Teherani, në disa qytete të tjera në ditën e tretë të trazirave.
Sipas mediave të huaja, protestat filluan të dielën pasi dyqanxhinjtë në Pazarin e Madh të Teheranit organizuan një grevë kur riali iranian arriti nivelin më të ulët rekord kundrejt dollarit amerikan në tregun e hapur.
Që atëherë, videot e verifikuara nga BBC Persian kanë treguar demonstrata në qytetet Karaj, Hamedan, Qeshm, Malard, Isfahan, Kermanshah, Shiraz dhe Yazd. Policia u pa gjithashtu duke përdorur gaz lotsjellës në një përpjekje për të shpërndarë demonstruesit.
Qeveria iraniane tha se “i njeh protestat” dhe do t’i dëgjojë “me durim, edhe nëse përballet me zëra të ashpër’.
Presidenti Masoud Pezeshkian shkroi në platformën ‘X’ vonë të hënën se kishte udhëzuar ministrin e brendshëm të zhvillonte bisedime me ata që ai i përshkroi si “përfaqësues” të protestuesve, në mënyrë që të merreshin masa “për të zgjidhur problemet dhe për të vepruar me përgjegjësi”.
Ai gjithashtu pranoi dorëheqjen e guvernatorit të Bankës Qëndrore të Iranit, Mohammadreza Farzin, dhe emëroi ish-ministrin e Ekonomisë dhe Financave Abdolnasser Hemmati për ta zëvendësuar atë.
Rusia ka publikuar një video duke deklaruar se raketat e saj Oreshnik, me kapacitet bërthamor, janë futur në shërbim aktiv në Bjellorusi, aleatin e saj fqinj, i cili gjithashtu ndan kufi me vendet e NATO-s: Poloninë, Lituaninë dhe Letoninë.
Putin ka pretenduar se këto armë janë të pamundura për t’u interceptuar, sepse shpejtësia e raketave supozohet të jetë më shumë se 10 herë shpejtësia e zërit.
Ky veprim mund të lejojë që raketat bërthamore ruse të arrijnë objektivat në Europë më shpejt, nëse ruhen në një bazë në Bjellorusi. Raketat e mesme kanë një rreze prej rreth 5,500 km (3,415 milje), që do të thotë se mund të godasin kudo në Europë ose në bregun perëndimor të SHBA-së nga Rusia.
Videoja e publikuar nga ministritë e mbrojtjes së Rusisë dhe Bjellorusisë të martën nuk specifikoi vendndodhjen e sistemeve të raketave në Bjellorusi, por tregonte transportimin e tyre nëpër pyje dhe kamuflimin me rrjeta.
“Divizioni i raketave Oreshnik ka filluar të kryejë detyrat e shërbimit luftarak në zonat e caktuara të vendit,” tha ministria e mbrojtjes e Bjellorusisë.
Presidenti Volodymyr Zelensky ka mohuar akuzat e Rusisë se Ukraina ka kryer një sulm me dron ndaj njërës prej rezidencave të presidentit Vladimir Putin dhe ka akuzuar Moskën se po përpiqet të prishë bisedimet e paqes.
Ministri i Jashtëm i Rusisë, Sergei Lavrov, pretendoi se Kievi kishte nisur një sulm gjatë natës duke përdorur 91 mjete ajrore pa pilot me rreze të gjatë veprimi (UAV) në rezidencën shtetërore të Putinit në rajonin veriperëndimor të Novgorodit të Rusisë.
Rusia tha se tani do të rishikojë qëndrimin e saj në negociatat e paqes. Ende nuk është e qartë se ku ndodhej Putini në kohën e sulmit të supozuar.
Zelensky e hodhi poshtë pretendimin si “gënjeshtra tipike ruse”, që synonin t’i jepnin Kremlinit një justifikim për të vazhduar sulmet ndaj Ukrainës.
Ai tha se Rusia më parë kishte shënjestruar ndërtesat qeveritare në Kiev.
“Është thelbësore që bota të mos heshtë tani. Nuk mund ta lejojmë Rusinë të minojë punën për arritjen e një paqeje të qëndrueshme” tha Zelensky në X.
Në një deklaratë të ndarë në Telegram të hënën, Lavrov tha se të 91 dronët që ai pretendoi se u nisën në rezidencën e Putinit u interceptuan dhe u shkatërruan nga sistemet ruse të mbrojtjes ajrore.
Ai shtoi se nuk ka raportime për viktima apo dëme materiale si pasojë e sulmit.
“Duke pasur parasysh degjenerimin përfundimtar të regjimit kriminal të Kievit, i cili ka kaluar në një politikë terrorizmi shtetëror, pozicioni negociues i Rusisë do të rishikohet”, tha ai, teksa shtoi se Rusia nuk kishte ndërmend të dilte nga procesi i negociatave me SHBA-në
Pretendimi nga Moska vjen pas bisedimeve midis SHBA-së dhe Ukrainës në Florida të dielën, ku presidentët Trump dhe Zelensky diskutuan një plan të rishikuar paqeje për t’i dhënë fund luftës.
Gjenden të vdekur dy persona në një vilë në Pejë
E tmerrshme në Pogradec, i moshuari përdhunon 12-vjeçaren
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Monedha vendase prek nivelin më të ulët, ‘shpërthejnë’ protestat në Iran
Rusia: Kemi vendosur raketat Oreshnik në Bjellorusi
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Ndryshim i rregullit të pozicionit jashtë loje, FIFA do që të favorizohen sulmuesit
Tragjedi në Prizren, humb jetën një fëmijë njëvjeçar si pasojë e zjarrit
Futboll mes “acarit”, lojtarët pijnë çaj në fushë
“Që kur mesazhet janë prova?”, Rama: “Shpërdorimi i detyrës” do të rishikohet
Beyoncé shpallet miliardere nga Forbes
“Kemi raketa Javelin dhe tre anije patrulluese”, Rama: Kemi sot ushtrinë më të mirëpaguar, ia kalojmë edhe Serbisë
Britania marrëveshje me Angolën dhe Namibinë për kthimin e emigrantëve
Britania e Madhe refuzon të njohë Somalilandin si shtet të pavarur
Zelensky mohon sulmin me dron ndaj rezidencës së Putinit
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Këta janë 10 kandidatët më të votuar në Vetëvendosjes
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Bashkimi me euron do të kishte mbuluar koston e NHS-së
Emigrantët kthehen, por Shqipëria nuk i mban
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Fqinji me Shqipërinë sapo shkroi historinë
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania3 days ago
Shqiptari në Britani shpëton nga deportimi pasi “partnerja nuk i flet shqip”
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK3 days ago
Rrëzohet aeroplani në Britani, alarm në aeroportin Southend në Londër
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Albania8 hours agoIronia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
-
Kosova1 day agoKëta janë 10 kandidatët më të votuar në Vetëvendosjes