Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione ka zhvilluar sot një takim me Nicholas Abbott, ambasador i Britanisë së Madhe në Kosovë.
Në këtë takim ku është diskutuar për të drejtat e njeriut, Abbott ka bërë të ditur se Britania e Madhe së shpejti do të nis të lobojë për anëtarësimin e Kosovës në Këshillin e Evropës, shkruan Klan Kosova.
“Ju jeni pjesë e Evropës dhe vlerave evropiane. Ju dëshironi të jeni anëtarë në Këshillin e Evropës. Kjo do të sjellë pyetje me vete”.
Ai ka shtuar se Mbretëria e Bashkuar ka qëndrim shumë të qartë sa i përket anëtarësimit të Kosovës në Këshillin e Evropës.
“Ne jemi gati të dërgojmë instruksione në ambasadat tona nëpër vendet që janë anëtare të Këshillit të Evropës që të flasin dhe mbështesin anëtarësimin e Kosovës në Këshillin e Evropës”.
Abbott ka folur edhe për qëndrimet e shtetit që përfaqëson sa i përket komunitetit LGBTI dhe të drejtës për krijimin e familjes.
“Pozicioni i Mbretërisë së Bashkuar është shumë i qartë: e mbështesim komunitetin LGBTI. Ne besojmë se të gjithë individët duhet ta kenë mundësinë që të krijojnë familje”.
Për t’u informuar më shumë rreth kësaj ngjarje, klikoni në linkun e mëposhtëm.
