Britania e Madhe ka diskutuar për rritjen e sanksioneve kundër Rusisë dhe rritjen e mbështetjes për Ukrainën.
Këtë e bëri të ditur Sekretarja e Jashtme e Mbretërisë së Bashkuar Liz Truss, duke folur së bashku me ministrin e Jashtëm ukrainas Dmytro Kuleba në Varshavë, shkruan CNN.
“Është përgjegjësi e Mbretërisë së Bashkuar dhe aleatëve tanë, dhe kjo është ajo që Dmytro dhe unë kemi diskutuar sot, për të rritur mbështetjen tonë për miqtë tanë të guximshëm ukrainas,” tha Truss në një konferencë shtypi.
“Kjo do të thotë më shumë armë dhe më shumë sanksione. Putini duhet të humbasë në Ukrainë.”
Truss tha se do të punojë me partnerët dhe aleatët e Britanisë për të shkuar më tej në sanksionet, duke vënë në dukje se Mbretëria e Bashkuar po shqyrton masa shtesë në ndalimin e anijeve ruse.
“Ne duhet të bëjmë më shumë për naftën dhe gazin, të cilat janë kyçe për financimin e makinës së luftës ruse,” tha Truss.
“Ne kemi rënë dakord që Britania e Madhe të përfundojë importet tona të naftës deri në fund të këtij viti.”
Truss shtoi se nuk duhet të flitet për heqjen e sanksioneve ndërsa trupat e Putinit janë në Ukrainë dhe kërcënimi i agresionit rus shfaqet mbi Evropë.
