Britania e Madhe aktualisht nuk ka një tepricë të vaksinave antiCOVID-19 për vendet e tjera, por ajo do të konsiderojë se si të ndajë ndonjë tepricë në të ardhmen nëse ekziston, tha sot një zëdhënës i kryeministrit Boris Johnson.
“Prioriteti ynë i parë është të mbrojmë publikun britanik dhe futja e vaksinës vazhdon për këtë qëllim. Aktualisht, ne nuk kemi një tepricë vaksinash, por do të shqyrtojmë se si t’i shpërndajmë ato sa më shpejt që të bëhen të disponueshme,” tha zëdhënësi, transmeton Guardian.
Me këtë rast, autoritetet britanike thanë gjithashtu se do të vazhdojnë të bisedojnë dhe të punojnë me BE, në mënyrë që të sigurojnë marrëdhënie dhe bashkëpunim reciprokisht të dobishëm kundër pandemisë COVID-19.
“Ne kemi thënë më parë se kjo është një përpjekje ndërkombëtare dhe se hapja dhe bashkëpunimi global do të jenë thelbësore për tejkalimin e kësaj pandemie. Kështu që bashkëpunimi dhe bisedimet tona me BE-në të vazhdojnë”, tha zëdhënësi i kryeministrit Johnson.
