Britania e Madhe parashtroi objektivin e saj për neutralizimin e karbonit deri në 2050 me anë të një ligji, që pritet të hyjë sot në fuqi, duke u bërë në këtë mënyrë ekonomia e parë e madhe që harton një ligj për të frenuar impaktin e tij ndaj ndryshimit klimatik.
”Projektligji u votua nga deputetët dhe Dhoma e Lordëve këtë javë dhe pritet të hyjë sot në fuqi pas nënshkrimit nga sekretari i Shtetit për Energjinë dhe Rritjen ekonomike, Chris Skidmore”, njoftoi ky i fundit në një postim në Twitter.
Ai përshëndeti në një komunikatë faktin se Britania e Madhe po regjistrohet si ekonomia e parë në botë, e cila voton një ligj për uljen e emetimeve (të gazrave me efekt serrë) deri në zero në 2050.
Ky vendim është pjesë e angazhimeve të marra në kuadër të Marrëveshjes së Parisit për Klimën, e nënshkruar në 2015.
