Koronavirusi nuk do të qarkullojë më në Britani të Madhe duke filluar nga muaji gusht i këtij viti, ka deklaruar shefi i Task-forcës për vaksina në Qeverinë britanike, Clive Dix.
Ai ka thënë për Daily Telegraph se pret që secili qytetar i Britanisë së Madhe të jetë i vaksinuar të paktën me një dozë të vaksinës anti-COVID, deri në fund të qershorit. Deri në këtë kohë, sipas tij, vendi i parë në botë që ka nisur vaksinimin, do të arrijë të mbrojë popullatën nga të gjitha variantet e virusit.
“Do të jemi të sigurtë deri në dimrin e ardhshëm”, ka shtuar Dix.
Më shumë se 35 milionë njerëz tashmë kanë marrë dozën e parë të vaksinës kundër COVID-19 në Mbretërinë e Bashkuar.
Pavarësisht kësaj, gjatë 24 orëve të fundit, në këtë shtet janë paraqitur 2,490 raste të reja me COVID-19.
