Britania e Madhe ka thënë se tërheqja e Rusisë nga i vetmi kryeqytet rajonal në Ukrainë që kishte pushtuar që nga fillimi i pushtimit të saj në shkurt ishte një tjetër poshtërim për ushtrinë e saj.
“Tërheqja e shpallur e Rusisë nga Kherson shënon një tjetër dështim strategjik për ta”.
“Në shkurt, Rusia nuk arriti të marrë asnjë nga objektivat e saj madhorë përveç Khersonit. Tani me dorëzimin e kësaj, njerëzit e zakonshëm të Rusisë me siguri duhet të pyesin veten “Për çfarë ishte e gjitha?”, ka theksuar ministri britanik i mbrojtjes Ben Wallace në një deklaratë të shtunën e 12 nëntorit.
Tërheqja e Rusisë të premten e 11 nëntorit ka shënuar tërheqjen e tretë të madhe të luftës dhe e para që përfshinte heqjen dorë nga një qytet kaq i madh, raporton euronews.
Wallace ka shtuar se ushtria ruse kishte pësuar një humbje të madhe jetësh në këmbim të izolimit dhe poshtërimit ndërkombëtar dhe Ukraina do të vazhdonte me mbështetjen e Britanisë dhe komunitetit ndërkombëtar.
