Britania e Madhe i është përgjigjur kërcënime të Iranit, duke theksuar se nuk ka prova që Teherani është në gjendje të godasë territorin britanik.
Ministri britanik Steve Reed deklaroi se nuk ekziston “asnjë vlerësim specifik” që Irani mund të sulmojë Mbretërinë e Bashkuar, ndërsa shtoi se vendi është plotësisht i aftë të mbrojë territorin dhe interesat e tij, si brenda ashtu edhe jashtë vendit. Ai nënvizoi gjithashtu se Britania nuk do të përfshihet në konflikt.
Deklaratat vijnë në një kohë kur autoritetet izraelite kanë ngritur shqetësime për kapacitetet raketore të Iranit. Sipas tyre, Teherani mund të zhvillojë raketa me rreze deri në 4,000 kilometra, të afta për të arritur qytete evropiane si Londra, Parisi dhe Berlini. Kryeministri izraelit Benjamin Netanyahu ka paralajmëruar se Irani përbën një kërcënim me shtrirje të gjerë.
Megjithatë, sipas vlerësimeve të njohura publikisht, raketat me rrezen më të gjatë të Iranit arrijnë rreth 2,000 kilometra, çka nuk është e mjaftueshme për të goditur Mbretërinë e Bashkuar. Edhe vetë autoritetet iraniane kanë deklaruar më herët se e kanë kufizuar qëllimisht këtë rreze.
