Komentet nga qeveria britanike erdhën pasi tensionet u përshkallëzuan pas raportimeve se Moska ka rishikuar doktrinën e saj bërthamore, duke reduktuar barrierat për përdorimin e armëve bërthamore në një konflikt
Mbretëria e Bashkuar kritikoi vendimin e fundit të presidentit rus Vladimir Putin për të ulur pragun për përdorimin e armëve bërthamore, duke e cilësuar këtë veprim si një akt “papërgjegjësie” nga një “qeveri e shthurur ruse”, transmeton Anadolu.
Një zëdhënës i kryeministrit britanik Keir Starmer kritikoi veprimin, duke e quajtur atë një shembull tjetër të sjelljes “së papërgjegjshme” të Rusisë në mes të luftës së saj të vazhdueshme në Ukrainë.
Në një deklaratë për mediat, zëdhënësi tha: “Ky është shembulli i fundit i papërgjegjësisë që kemi parë nga qeveria e shthurur ruse dhe ne mbetemi të palëkundur në mbështetjen tonë për Ukrainën”.
Komentet nga qeveria britanik erdhën pasi tensionet u përshkallëzuan pas raportimeve se Moska ka rishikuar doktrinën e saj bërthamore, duke reduktuar barrierat për përdorimin e armëve bërthamore në një konflikt.
Kremlini e ka cilësuar ndryshimin si të nevojshëm për sigurinë kombëtare të Rusisë, duke shkaktuar kritika nga udhëheqësit perëndimorë.
Londra përsëriti mbështetjen e saj për Ukrainën, duke përsëritur angazhimin e saj për të mbështetur Kievin.
Komuniteti ndërkombëtar ka ngritur shqetësime mbi pasojat e mundshme të ndryshimeve të tilla në politikën bërthamore të Rusisë ndërsa anëtarët e NATO-s paralajmërojnë për rreziqet globale që vijnë nga çdo përshkallëzim që përfshin armët bërthamore.
