Të pranishëm në përvjetorin në Cenotaf, ku u përkujtuan ushtarakët e vrarë në luftëra dhe konflikte, ishin vetëm zyrtarët për shkak të pandemisë
Shiko ceremonine: https://fb.watch/1DVVgbIXcg/
Me në ceremoni të kufizuar në Londrën qendrore u shënua e Diela Përkujtimore, përvjetori për ushtarakët britanikë që u vranë në luftërat dhe konfliktet botërore.
Dy minuta heshtje u mbajtën në ora 11:00 të mëngjesit sipas kohës lokale përpara ceremonisë përkujtimore në memorialin e luftës Cenotaph në Whitehall.
Përjvjetori gjithashtu shënoi njëqindvjetorin e zbulimit të Cenotafit nga mbreti George V më 11 nëntor 1920.
Ceremonia u ndoq nga një numër i vogël njerëzish këtë vit për shkak të pandemisë së koronavirusit.
“Asnjë virus nuk do të na ndalojë të nderojmë përkujtimin e ushtarakëve dhe grave që sakrifikuan jetën e tyre për lirinë tonë”, tha kryeministri Boris Johnson në një mesazh në Twitter.
“Sot, si dhe çdo ditë, ne do t’i kujtojmë ata”, shtoi ai.
Mbretëresha, anëtarët e familjes mbretërore, kryeministri dhe zyrtarët politikë ishin të pranishëm në përjvetorin, pas masave të rrepta të distancimit social dhe mbajtjes së maskave.
Mbretëresha, me maskë fytyre, u pa në publik për herë të parë që nga fillimi i pandemisë ndërsa vizitoi dje varrin e Luftëtarit të Panjohur në Westminster Abbey për të shënuar njëqindvjetorin e varrimit të tij.
Luftëtari i Panjohur përfaqëson të vrarët në Luftën e Parë Botërore të vendit, vendi i rënies i të cilëve nuk dihet ose eshtrat e të cilëve nuk janë identifikuar.
Ceremonia e së “Dielës Përkujtimore” mbahen çdo vit në Britani të dielën më të afërt të 11 Nëntorit, përvjetorin e përfundimit të Luftës së Parë Botërore në vitin 1918.
