Mbretëria e Bashkuar ka regjistruar më shumë se 218 mijë raste të reja nga coronavirusi si dhe 48 viktima, tregojnë shifrat zyrtare.
Sipas medieve të huaja, kjo është hera e parë që Mbretëria e Bashkuar ka raportuar më shumë se 200 mijë raste brenda një dite.
Kjo vjen derisa më shumë se 141 mijë persona të tjerë janë vaksinuar me dozën përforcuese kundër COVID-19 – duke e çuar totalin në më shumë se 34 milionë.
Përveç Mbretërisë së Bashkuar një tjetër vend në botë që regjistroi shifër rekorde të rasteve është SHBA-ja.
SHBA ka regjistruar më shumë se një milion raste të reja me COVID-19, ku zyrtarët paralajmërojnë përkeqësim të gjendjes pas shfaqjes së variantit më përhapës të Omicronit.
Një rekord prej 1,080,211 rastesh u raportua të hënën – raporti më i lartë njëditor i rasteve të reja kudo në botë, sipas Universitetit Johns Hopkins. Varianti Omicron përbën shumicën e rasteve në SHBA.
