Produkti Bruto i Brendshëm (PBB) ra me 5,8 për qind në mars, me një rënie prej 2 për qind në tremujorin e parë të 2020, sipas të dhënave zyrtare
Produkti Bruto i Brendshëm (PBB) i Britanisë shënoi rënie me 5,8 për qind në mars, rënia më e madhe mujore që nga viti 1997, duke reflektuar rekord të rënieve në shërbime dhe prodhimtari, sipas të dhënave zyrtare të publikuara të mërkurën, raporton Anadolu Agency (AA).
Të dhënat e publikuara nga Zyra e Statistikave Kombëtare të vendit treguan se ekonomia pësoi një tronditje të konsiderueshme që nga fillimi i shpërthimit të koronavirusit të ri (COVID-19).
Prodhimi i shërbimeve dhe sektorëve të prodhimit ra me 6,2 për qind dhe 4,2 për qind, përkatësisht, në mars 2020.
Kësaj rënie rekord në sektorin e shërbimeve i paraprinë “tregtia me shumicë, pakicë dhe makinave, e ndjekur nga akomodimi dhe shërbimet ushqimore dhe arsimi”, sipas autoriteteve.
PBB e Britanisë shënoi rënie me 2.0 për qind në tremujorin e parë, janar- mars, të vitit 2020.
Autoriteti i statistikave tha se rënia ishte rezultat i “efekteve të drejtpërdrejta” të pandemisë së COVID-19 dhe përpjekjeve të qeverisë për të parandaluar përhapjen e virusit.
Në të përmenden kufizimet e lëvizjes në Britani të Madhe, që filluan më 23 mars, si “masa më e rëndësishme”.
“Gjatë krizës globale financiare, nga kulmi i saj në shkurt 2008 në pikën më të ulët në mars 2009, gjithsej 13 muaj, PBB-ja u tkurr 6.9 për qind”, njoftoi zyra e statistikave.
