Gazeta britanike ‘Mirror’ ka shkruar një artikull për dy britanikë të arrestuar në Dhërmi me drogë. Media britanike shkruan se dy të rinjtë, Jordan Benoit, 34 vjeç, dhe James Calder, 33 vjeç, u arrestuan pasi dyshohet se shitën MDMA, ketaminë dhe ekstazi në Dhërmi dhe mund të përballen me deri në 15 vite burg për trafik droge.
“Jordan Benoit, 34 vjeç, dhe James Calder, 33 vjeç, dyshohet se po shisnin MDMA, ketaminë dhe ekstazi në festivalin e muzikës Kala në vendpushimin idilik bregdetar të Dhërmiut. Pamjet video tregojnë policët duke kontrolluar një automjet Mitsubishi në pronësi të dyshes në një operacion të koduar Cocktail. Ata gjithashtu bastisën një pronë që dyshja e kishte marrë me qira në fshat dhe dyshohet se gjetën 52 doza MDMA, 51 doza ketaminë, 120 pilula ekstazi dhe 6,185 euro (5,264 £) dhe 720 £ në para të gatshme, plus katër celularë.”, thuhet në artikull.
Në shkrim, citohet drejtori policisë të qarkut Vlorë Elidon Çela, i cili ka thënë se lufta me shpërndarësit e narkotikëve intensifikohet gjatë sezonit turistik.
“Përveç elementëve kriminalë vendas, flukset e turistëve të huaj po sjellin elementë kriminalë që sjellin narkotikë sintetikë në vendin tonë me qëllim shpërndarjen e tyre te turistët.”
Mes të tjerash në artikull thuhet se akuzat vijnë në mes të një numri të madh britanikësh në burgje të huaja për akuza për drogë në javët e fundit.
James Calder
