Këshilli Britanik i Modës ka njoftuar se ‘Fashion Awards 2020’ do të zhvillohen në një format të ri si rezultat i pandemisë së vazhdueshme COVID-19 dhe kufizimeve në Mbretërinë e Bashkuar.
‘British Fashion Awards 2020’ do të mbahen më 3 dhjetor dhe do të “nderojnë dhe festojnë dizajnerët, markat, krijuesit dhe individët që kanë krijuar ndryshime pozitive brenda industrisë së modës këtë vit”, njoftoi këshilli në një deklaratë.
Këtë vit, ngjarja do të përqendrohet tek ata që merren me guxim dhe në mënyrë pro-aktive me pandeminë, të cilët treguan udhëheqje dhe qëndrueshmëri krijuese dhe që i qëndruan paragjykimeve brenda industrisë së modës.
Çmimet do të festojnë dhe do t’i përgjigjen përpjekjeve për të inkurajuar diversitetin brenda industrisë së modës pas një vere me protesta ‘Black Lives Matter’ të cilat u zhvilluan në të gjithë Mbretërinë e Bashkuar dhe në të gjithë botën.
“Kjo është arsyeja pse këtë vit, në rrethana unike, ne menduam se ishte e rëndësishme të njihen njerëzit dhe bizneset që luajtën një rol në disa nga çështjet më të rëndësishme dhe sfiduese të gjeneratës sonë, ata që ngritën nivelin në fusha të tilla si diversiteti, qëndrueshmëria dhe komuniteti” përfundoi CEO e KMB Caroline Rush. 
