Qeveria britanike premtoi sot se nuk do të lërë gurë pa lëvizur që të ndihmojë kompaninë e dytë më të madhe në vend për prodhimin e çelikut që të shmangë falimentimin.
“Jemi në bisedime të vazhdueshme me kompaninë”, deklaroi Andrew Stephenson, përfaqësues i konservatorëve në Parlament.
Ai hodhi poshtë gjithashtu thirrjet e opozitës për të shtetëzuar kompaninë duke shtuar se “qeveria nuk do të lërë gurë pa lëvizur për të mbështetur industrinë e çelikut”.
Sipas BBC-së, “British Steel është ende duke u përpjekur të garantojë 75 milionë sterlina (95 milionë dollarë) si mbështetje financiare që të arrijë të tejkalojë problemet e lidhura me Brexit”./ATSH/
