Në fshehtësi, Britney Spears po përgatitet të rikthehet në skenë. Princesha e popit ka regjistruar me Elton John një duet të këngës legjendare “Tiny Dancer”, e cila do të publikohet në gusht me Universal Music.
Sipas Page Six, rubrika e thashethemeve e “New York Post”, regjistrimi i këngës u bë në një studio të Beverly Hills.
“Ishte një ide e Eltonit, i cili është një fans i madh i saj” tha një burim, sipas të cilit kjo u mundësua nga producenti Andrew Watt, i cili krijoi një album për Justin Bieber, Miley Cyrus, Pearl Jam dhe Ozzy Osbourne dhe fitoi Producentin e Vitit në Grammy 2021.
Elton John shkroi “Tiny Dancer” me Bernie Taupin në 1971, dhjetë vjet para se Britney të lindte. Ylli i popit kishte njoftuar rikthimin e saj në punë, pasi u lirua pas 13 vjetësh nga kujdestaria ligjore e të atit të saj Jamie.
Në mesin e korrikut, Spears postoi një video në Instagram në të cilën ajo këndon një version të përditësuar të hitit të saj të vitit 1998 “… Baby One More Time” me mbishkrimin: “Unë nuk e kam ndarë zërin tim për një kohë shumë të gjatë, ndoshta shumë gjatë”.
