Bashkimi Evropian është i gatshëm t’i japë Britanisë së Madhe kohë për Brexit përtej datës së parashikuar të 29 marsit, me kusht që të ketë garanci që do të dilet nga ngërçi aktual, paralajmëruan sot shumë krerë europianë në përgjigje ndaj deklaratave të kryeministres britanike, Theresa May.
“Nëse britanikët kanë nevojë për më shumë kohë, ne mund të shqyrtojmë një kërkesë për shtyrje, nëse justifikohet”, deklaroi presidenti francez, Emmanuel Macron gjatë një konference për shtyp me kancelaren gjermane, Angela Merkel.
“Nëse Britania e Madhe ka nevojë për më shumë kohë, është e dukshme që nuk e refuzojmë”, konfirmoi Merkel, gjatë një vizite në Paris. Në të njëjtë linjë me Parisin dhe Berlinin është edhe kryeministri spanjoll, Pedro Sanchez duke deklaruar se “Spanja nuk e kundërshton lëshimin për një shtyrje të mundshme. Por kjo duhet të ketë një prespektivë të qartë për zgjidhje”.
