Portieri legjendar i Italisë, Gianluigi Buffon mendon se mund të vazhdojë të luajë edhe për dy sezone.
44-vjeçari iu bashkua klubit të tij të fëmijërisë Parma verën e kaluar dhe nuk tregon asnjë shenjë se do i varë dorezat.
Buffon nënshkroi një marrëveshje të re me skuadrën e Serisë B në shkurt, e cila do ta çojë atë deri në moshën 46-vjeçare (30 qershor 2024), atëherë edhe kur do të tërhiqet.
Por, duke folur në një ngjarje të hapur për fansat në një vendpushim në Italinë veriore këtë verë, ai zbuloi planet për të vazhduar në dekadën e tij të gjashtë.
Ai i tha Alfredo Pedullas: “Dhjetë vjet në Parma, 20 në Juve, pastaj një në Paris, dy në Juve dhe tani unë mbyll karrierën në Parma”.
“Dhe unë nuk jam 100 vjeç! Në pension 55? Pak a shumë. A do të stërvitem pas daljes në pension, kam shumë vite që mendoj se kur do të ndalem”.
“Kam dhjetë vjet që mendoj për këtë, por më pas vazhdoj gjithmonë. Mendoj se kam pasur përvoja të rëndësishme që më lejojnë të njoh botën e futbollit”, ka shtuar më tej ai.
Buffon është rekordmen i paraqitjeve te Italisë me 176 sosh dhe për herë të fundit ka luajtur për vendin e tij në vitin 2018.
Ai ka bërë mbi 1100 paraqitje në karrierën profesionale, gjysma e tyre për Juventusin.
Shumë prisnin që ai të pensionohej kur u largua nga “Zonja e Vjetër” vitin e kaluar, por ai u ribashkua me Parman, klubi në të cilin filloi si ekip i të rinjve në vitin 1991.
