Një 26-vjeçar është vrarë me kaçavidë orët e vona të së hënës (14 gusht).
Policia bën me dije se pas një konflikti për motive të dobëta në Shupenzë, një 30-vjeçar ka goditur me kaçavidë 26-vjeçarin, i cili si pasojë e plagëve të marra ka humbur jetën në spital.
Policia ka vënë në pranga autorin e ngjarjes, banues në fshatin Homesh.
“Në orët e vona të mbrëmjes, në Shupenzë shtetasi D.D., 30 vjeç, banues në fshatin Homesh, për motive të dobëta është konfliktuar me shetasin D.M., 26 vjeç, banues në Homesh. Gjatë konfliktit 30-vjeçari e ka goditur me kaçavidë 26-vjeçarin, i cili si pasojë e plagëve ka humbur jetën në spital”, thuhet në njoftim.
