Tregjet europiane të aksioneve ranë ndjeshëm sot nën efektin e një morie pasigurish, para së gjithash për shkak të pasojave ekonomike të COVID-19 dhe zgjedhjeve presidenciale amerikane pas dy javësh.
Indeksi kryesor i Parisit, CAC 40, ra me -1,53%, ndërsa ai gjerman, Dax, humbi me -1,41 dhe FTSE 100 në Londër me -1,91%.
“Tregtarët ia kanë frikën kufizimeve më të ashpra në frontin pandemik në Europë”, tha David Madden, analist për “CMC Markets” në BM.
“Jemi dy javë larg zgjedhjeve amerikane, është e mundur që investitorët të mbyllin pozicionet në mënyrë që të mos pësojnë paqëndrueshmërinë e pritur gjatë periudhës, për shkak të këtij votimi”, theksoi Valentin Bulle, menaxher i kapitalit në “Dom Finance”.
