Nesër pritet që të votohet në kuvend kodi zgjedhor, opozita e bashkuar ka dalë në një deklaratë duke u shprehur se parlamenti nuk duhet që ta votojë atë draft që do të rrënojë sistemin.
Oerd Bylykbashi është shprehur se marrëveshja e arritur me 5 qershor është një marrëveshje që garantoi një konsensus për të rritur standardet e zgjedhjeve të 25 prillit 2021.
Deklarata e Bylykbashit:
Në gjendjen ku është sot reforma zgjedhore në prag të votimit të nesër në parlament. Është një reformë zgjedhore e cila u ngrit mbi bazën e një marrëveshje që ishte ajo e 14 janarit e cila kishte si mekanizëm të reformës konsensusin e partive politike. Jo vetëm midis mazhorancës dhe opozitës në parlament, por edhe opozitës së bashkuar si i vetmi instrument që legjitimon një reformë konsensuale që kërkohet nga BE.
Reforma konsensuale është një nga 15 kushtet për hapjen e negociatave të Shqipërisë. 14 janari shtroi bazat për atë që ishte 5 qershori, një marrëveshje që konkludoi të gjitha parametrat mbi të cilat këshilli politik që funksionon mbi mekanizmin e konsensusit miratoi më pas më 30 qershor tekstin integral konsensual për reformën zgjedhore.
Është kjo reformë zgjedhore konsensuale në këshillin politik që garantoi një konsensus për të rritur standartet e zgjedhjeve të 25 prillit 2021 që të ketë sa më pak probleme dhe ti priten duart ndërhyrjes së partisë në pushtet për të transformuar rezultatin e zgjedhjeve, siç ka bërë në të shkuarën.