Albania
Bylykbashi rendit të drejtat e opozitës për ngritjen e Komisioneve hetimore në Kuvend: Janë shkelur me urdhër të Ramës
Nënkryetari i PD, Oerd Bylykbashi, renditi të gjitha të drejtat që ka opozita për të krijuar Komision Parlamentare hetimor në Kuvend, të drejta që sipas tij i janë shkelur me urdhër të Kryeministrit Edi Rama.
Bylykbashi vuri në dukje se janë 7 kërkesa për 7 komisione hetimore nga opozita, të cilat janë hedhur poshtë nga drejtuesit e parlamentit.
Bylykbashi tha: “Neni 77, pika 2, i Kushtetutës përcakton fare qartë e pa asnjë ekuivok se:“Kuvendi me kërkesë të një së katërtës së të gjithë anëtarëve të tij, është i detyruar të caktojë komision hetimi për të shqyrtuar një çështje të veçantë”.
Partia Demokratike ka kërkuar hetimin e:
1- Investimeve strategjike
2- Cështjes McGonigal
3- Grabitjes së Portit të Durrësit
4- Udhëtimeve me charter të kryeministrit
5- Skandalit të vjedhjes së të dhënave të TIMS
6- Kontratave konçensionare në shendetësi
7- Vendimmarrjeve në konflikt interesi.
Të gjitha kërkesat janë rrëzuar me urdhër të Edi Ramës, Rama në fillim tha se nuk i ngre komisionet sepse ka firmosur Sali Berisha. Kjo nuk piu ujë, Më pas pretendoi se Gjykata Kushtetuese ka marrë vendim që detyron ndryshimin e ligjit. Por nuk ka asnjë vendim të tillë dhe ligji është plotësisht në fuqi.
Komisioni Europian theksoi me shqetësim në raportin e progresit se “Gjatë periudhës raportuese, opozita kërkoi ngritjen e […] komisioneve hetimore, por mazhoranca i hodhi poshtë […] kërkesat, pavarësisht se e drejta e opozitës për të inicuar komisione të tilla garantohet me Kushtetutë. Argumenti i mazhorancës […] ishte se është në shqyrtim një rishikim i ligjit për komisionet hetimore. Ligji aktual, megjithatë, mbetet në fuqi.”
Por Edi Rama vendosi këto ditë të bëjë Gjykatën Kushtetuese, i bindur se ajo gjykatë nuk duhet dhe as mund të flasë kur flet ai.
Edi Rama nga Dibra tha se vendimet e Gjykatës nuk lejojnë ngritjen e komisioneve hetimore që ka kërkuar Partia Demokratike. Ndaj ai meriton një përgjigje duke cituar vendimet e Gjykatës Kushtetuese, të cilat nxjerrin në pah sharlatanizmin e tij antikushtetues.
Gjykata Kushtetuese, në 8 vendimet e saj për hetimin parlamentar që nga vitit 2003, i çmonton totalisht pretendimet e Edi Ramës se qenka Gjykata Kushtetuese që nuk lejon ngritjen e komisioneve. Madje gjysma e këtyre vendimeve është marrë gjatë qeverisjes së Ramës dhe kundër bllokimeve që ai ka bërë
Gjykata Kushtetuese, me vendimet e saj nr. 57 të 2015; nr. 30, të 2014; nr.18 të 2003 dhe 42 të vitit 2022 i njeh statusin e një organi kushtetues minorancës së cilësuar prej 1/4 së deputetëve apo më thjeshtë, 35 deputetëve të parlamentit që kërkojnë ngritjen e një komisioni hetimor.
Po me këto vendime, Gjykata Kushtetuese përcakton se kur Kuvendi vendos për të rrëzuar kërkesën e 35 deputetëve, dhunon kompetencën e minoracës së cilësuar kushtetuese, duke shkelur kështu të drejtën kushtetuese për të hetuar.
Në vendimin nr. 42, datë 27.12.2022, Gjykata Kushtetuese përcakton se në nenin 77, Kushtetuta “institucionalizon një lloj tjetër autoriteti kushtetues, që njihet si pushtet i pakicës parlamentare. Kushtetuta, duke njohur të drejtën për të ngritur komisione hetimore si e drejtë e një të katërtës së deputetëve për të vepruar në mënyrë të pavarur nga shumica parlamentare, nëpërmjet shprehjes “është i detyruar” ka evituar, veçanërisht për ngritjen e komisionit, kalimin e çështjes në procedurat e zakonshme të votimit, duke vendosur një balancë ndërmjet së drejtës së shumicës për të vendosur dhe asaj të pakicës së cilësuar.”
Gjykata ka vendosur se “E drejta e pakicës vetëm për sa i përket kërkesës për ngritjen e komisionit hetimor mbetet një e drejtë e pakufizuar nga vullneti i shumicës. Njëkohësisht, e drejta e pakicës për të disponuar mbi objektin e hetimit e kufizon kompetencën e shumicës për ta ndryshuar këtë objekt pa pëlqimin e pakicës, me përjashtim të rasteve kur nga qëllimi dhe objekti i hetimit konstatohet se preken parimet kushtetuese.”
Gjykata përcakton se mazhoranca është e detyruar të dakordësohet me pakicën e cilësuar kushtetuese prej 35 deputetësh për objektin, kundërshtitë për cënim të parimeve kushtetuese duhet t’I bëjë të qarta në përpjekjen për gjetje të dakordësisë për objektin e hetimit, por ne asnjë rast duke e zvogëluar, tretur apo zgjeruar më shumë objektin sesa është kërkuar nga 35 deputetët.
Kushtetuta kërkon hetim të veçantë. Por, citoj vendimin nr. 30 të vitit 2014, “Gjykata ka vlerësuar se është kompetencë e Kuvendit, në rastin konkret e pakicës parlamentare, të vlerësojë interesin publik për çështjet që kërkon të hetohen”.
Pra nuk ka të drejtë mazhoranca të vendosë nëse është apo jo një çështje e veçantë ajo që ka kërkuar Partia Demokratike në kërkesat e refuzuara nga mazhoranca.
Gjykata, në vendimin nr.42 të vitit 2022 dhe jurisprudencën pararendëse vëren se “[…] e drejta e pakicës parlamentare për të kërkuar ngritjen e një komisioni hetimor është një nga të drejtat më kryesore të saj. […] Në këtë kuptim një komision hetimor, si një mjet kontrollues, është një instrument specifik i kontrollit parlamentar. Nga ana tjetër, e drejta për të kërkuar akte dhe dokumente i përket thelbit të së drejtës së hetimit dhe formon pjesë integrale të së drejtës së kontrollit parlamentar.”
Gjykata Kushtetuese përcakton se komisionet hetimore shërbejnë ne funksion të kontrollit parlamentar mbi qeverinë dhe përmirësimin e ligjeve që të pengohen shkeljet në të ardhmen. Hetimi duhet të jetë për një çështje të veçantë dhe të qartë, e për to duhet të egzistojnë fakte. Komisionet mund të hetojnë edhe çështje që po hetohen penalisht, sepse qëllimii hetimit parlamentar është i ndryshëm.
Secili komision hetimor i kërkuar përbën çështje të veçantë të përcaktuar qartë, por Edi Ramës nuk i interson as që komisionet të mbledhin dokumentacionin zyrtar e aq më pak të nxjerrë konkluzione për aferat korruptive që synojnë të hetojnë këto komisione.
Ashtu si në skandalin e inceneratorëve, Rama ka firmosur sipas oreksit korruptiv në shumë çështje të tjera dhe kjo është arsyeja pse ai nuk i lejon komisionet hetimore.
Secila çështje heton vjedhjen e parave publike të buxhetit, të taksavë të shqiptarëve që Edi Rama po ndan si llokmat e tepsisë së bakllavasë.
Faktet për të gjitha këto afera janë me bollëk. Askush nuk ka dyshim që këto janë skandale. Komisionet synojnë që të zbulojnë kuadrin e plotë të këtyre skandaleve korruptive që t’i bllokohet rruga në të ardhmen. Provat që do të dalin do t’i çohen SPAK që ky i fundit të mos thotë askush nuk bëri kallzim. Pikërisht këtë do të evitojë Edi Rama.
Në 2014, Edi Rama refuzonte të ngrinte komisione hetimore dhe refuzonte zbatimin e vendimeve të Gjykatës Kushtetuese. U desh të ndërhynte Parlamenti Europian që në dhjetor të 2014, përveç dekriminalizimit, Rama t’i hapte rrugën hetimit parlamentar. Tani që ka vënë nën kontroll të gjithë sistemin e drejtësisë, shpreson të ndryshojnë qëndrimet e Gjykatës Kushtetuese. Por vetë Gjykata thekson se vendimet e saj në fuqi zbatohen siç janë.
Edi Rama u betua sërish si në 2014 se nuk do t’i ngrejë komisionet. E sigurojmë Edi Ramën se opozita ka marrë vendim se nuk do të ketë funksionim normal të parlamentit pa iu kthyer kompetenca kushtetuese opozitës parlamentare për hetim të aferave të qeverisë, siç e ka përcaktuar Gjykata Kushtetuese dhe pa i dhënë vendet që i takojnë dhe të drejtën e vetos në Komisionin e Reformës Zgjedhore.
Vendimet e Gjykatës Kushtetuese për komisionet hetimore janë:
Nr. 18 dt. 14.05.2003
Nr. 20 dt. 04.05.2007
Nr. 12 dt. 20.05.2008
Nr. 22 dt. 05.05.2010
Nr. 30 dt. 16.05.2014
Nr. 38 dt. 12.06.2015
Nr. 57 dt. 23.07.2015
Nr. 42 dt. 27.12.2022
Albania
Vendimi i qeverisë, zbardhet skema e re e kompensimit, nga 600 deri në 1800 lekë shtesë në muaj, ja kush përfiton
Këshilli i Ministrave ka miratuar vendimin për kompensimin e të ardhurave mujore të pensionistëve, një masë që hyn në fuqi si pjesë e paketës së Buxhetit 2026.
Vendimi synon të mbështesë pensionistët me të ardhura të ulëta dhe të mesme, duke përcaktuar shuma konkrete shtesë që variojnë nga 600 deri në 1,800 lekë në muaj.
Sipas vendimit të propozuar nga Ministri i Ekonomisë dhe Inovacionit, fondi total për këtë skemë kap vlerën e 9.8 miliardë lekëve.
Si ndahen kategoritë dhe sa është shtesa?
Qeveria ka ndarë përfituesit në 5 kategori kryesore, bazuar në nivelin e të ardhurave mujore që ata kanë pasur deri në datën 31.12.2025:
Shtesën maksimale prej 1,800 lekë/muaj e përfitojnë të gjithë pensionistët që kanë të ardhura mujore deri në 40,000 lekë.
Këtu përfshihen pensionet e pleqërisë të plota (urbane), minatorët, punonjësit e naftës, gazit dhe metalurgjisë.
Shtesën prej 1,000 lekë/muaj e përfitojnë personat me të ardhura mujore deri në 18,000 lekë.
Këtu përfshihen pensionet e ish-kooperativave bujqësore dhe pensionet rurale (të fshatit).
Shtesën 800 lekë/muaj e përfitojnë personat me të ardhura mujore deri në 22,000 lekë.
Në këtë grup përfshihen pensionet e pjesshme (urbane), pensionet sociale dhe ata që nuk kanë plotësuar vitet e sigurimit.
Shtesën 700 lekë/muaj e përfitojnë personat me të ardhura mujore deri në 18,000 lekë, ku janë përfituesit e pensionit familjar, përfshirë familjet e pilotëve.
Ndërsa shtesën 600 lekë/muaj e përfitojnë personat me të ardhura mujore deri në 30,000 lekë.
Këtu përfshihen të gjitha kategoritë e pensioneve të invaliditetit.
Kush përfiton tjetër?
Një pikë e rëndësishme e vendimit është se ky kompensim nuk prek vetëm pensionistët aktualë. Përfitojnë edhe personat që do të dalin në pension gjatë vitit 2026, me kusht që të ardhurat e tyre të mos kalojnë tavanet e përcaktuara më sipër. Megjithatë, ata që fitojnë të drejtën e pensionit pas datës 1 janar 2027, nuk do të jenë subjekt i këtij vendimi.
Vendimi saktëson gjithashtu se këto kompensime nuk do të preken (nuk do të ulen apo ndryshojnë) në rastet kur qeveria miraton indeksime të tjera të pensioneve në të ardhmen.
Zbatimi i këtij vendimi do të kryhet nga Instituti i Sigurimeve Shoqërore (ISSH) dhe pagesat do të shpërndahen përmes Postës Shqiptare dhe bankave të nivelit të dytë.
Albania
Qeveria nderon legjendat, 13 figura të shquara të artit dhe sportit përfitojnë pension të posaçëm
Këshilli i Ministrave ka marrë vendimin për të vlerësuar financiarisht dhe moralisht disa nga emrat më të spikatur të jetës publike në Shqipëri, të cilët kanë lënë gjurmë ndër vite në fushat e artit, kulturës dhe sportit.
Sipas vendimit të fundit të qeverisë, 13 personalitete do të përfitojnë “shtesë pensioni të posaçëm shtetëror”.
Masa e kësaj shtese është përcaktuar të jetë sa dhjetëfishi i pensionit social, një vlerësim maksimal që u bëhet këtyre figurave për kontributin e dhënë.
Në listën e miratuar spikasin emra të mëdhenj të humorit dhe teatrit si Agim Bajko dhe Aishe Stari, apo legjenda të futbollit shqiptar si Agustin Kola i Tiranës dhe Vasillaq Zëri i Flamurtarit.
Lista e plotë e përfituesve:
Agim Bajko – Aktor i njohur i humorit dhe satirës.
Agustin Kola – Ish-futbollist dhe trajner i shquar, ikonë e KF Tiranës.
Aishe Stari – Aktore e njohur, veçanërisht për kontributin në estradën e Durrësit.
Vasillaq Ruci – Legjenda e futbollit vlonjat dhe atij kombëtar.
Nikolin Gurakuqi – Regjisor i njohur operistik.
Shegushe Bebeti – Regjisore dhe figurë e rëndësishme e teatrit të kukullave.
Edera Alibegaj – Ish-basketbolliste e shquar.
Virxhil Karaja – Figurë e njohur e sportit.
Kujtim Vorpsi – Mjeshtër i imazhit/kinematografisë.
Kostandin Shkurti
Kostandin Kamberi- Aktor i njohur i humorit në estradën e Tiranës
Leonard Toska- Peshëngritës
Rapo Tao- Figurë legjendare e futbollit vlonjat
Ky vendim hyn në fuqi menjëherë dhe është pjesë e përpjekjeve shtetërore për të garantuar një trajtim dinjitoz për ata që kanë ngritur lart emrin e Shqipërisë në skena dhe stadiume.
Kryetari i Lëvizjes Shqipëria Bëhet, Adriatik Lapaj, thotë se protesta e tij dhe mbështetësve të tij te Kryeministria, do të vazhdojë edhe në natën e ndërrimit të viteve.
“Krishtlindjet i hëngrëm këtu. Nesër Vitin e Ri, besoj, të jemi mirë me shëndet, do ta konsumojmë këtu dhe unë them që do jemi këtu gjatë dhe do rezistojmë për të dhënë një model proteste qëndrese”, tha Lapaj për A2 CNN.
Sipas tij, ky model do të bindë njerëzit të shtohen edhe më shumë në shesh, pas Vitit të Ri.
“Ata që thoshin “Ku janë numrat?”, ditën e shtunë besoj e morë një mesazh të qartë. Nuk ishin jashtëzakonisht shumë, po ishin shumë në raport me atë që nisi. Të mbledhësh sot 2000 qytetarë të lirë pa i detyruar, pa i marrë me kërcënim, pa i marrë me para, pa u ofruar vende pune dhe t’u ngjallësh shpresën, është një fillim i mirë dhe unë mendoj që ditën e diel do jemi shumë dhe mendoj që kjo që ka nisur do të përkthehet në një reagim të madh popullor në vazhdim përballë këtij regjimi hajdutësh me në krye Edi Ramën”,- është shprehur Lapaj.
58000 kilometra në këmbë nga Kili në Britani, historia e pazakontë e ish-ushtarit
Kosova ngre aktakuzë ndaj 21 personave për masakrën e Reçakut
Dy shtetet që e festojnë të parët Vitin e Ri
Grabitje spektakolare në Gjermani, hajdutët vjedhin 30 milionë euro nga një bankë
George dhe Amal Clooney marrin shtetësinë franceze së bashku me fëmijët e tyre
Faqet e para të gazetave në UK
Vonesat e Eurostar hyjnë në ditën e dytë, pasi pasagjerët ngecën në bord gjatë natës.
Brenda “Strofkës së Ujkut “, udhëtim në bunkerin sekret ku Hitleri drejtoi luftën dhe i mbijetoi atentatit
Harta e ndërrimit të viteve, bota feston për 26 orë, nga Kiritimati në Samoa, ja kush hyn i pari në 2026
Miura nuk dorëzohet, në moshën 58 vjeçare gjen një klub të ri në Japoni
Broja jep asist, por Burnley mundet nga Newcastle
Vendimi i qeverisë, zbardhet skema e re e kompensimit, nga 600 deri në 1800 lekë shtesë në muaj, ja kush përfiton
Qeveria nderon legjendat, 13 figura të shquara të artit dhe sportit përfitojnë pension të posaçëm
Jennifer Lopez e lumtur dhe e lirë pas ndarjes nga Ben Affleck: Fokus tek puna dhe fëmijët
Dasmë për 80-vjetorin! Këngëtarja “Cher” do kurorëzohet përsëri, partneri i saj 40 vite më i ri: S’më intereson mosha…
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Rrëzohet aeroplani në Britani, alarm në aeroportin Southend në Londër
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Bashkimi me euron do të kishte mbuluar koston e NHS-së
Këta janë 10 kandidatët më të votuar në Vetëvendosjes
Emigrantët kthehen, por Shqipëria nuk i mban
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Fqinji me Shqipërinë sapo shkroi historinë
Britania marrëveshje me Angolën dhe Namibinë për kthimin e emigrantëve
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania4 days ago
Shqiptari në Britani shpëton nga deportimi pasi “partnerja nuk i flet shqip”
-
UK4 days ago
Rrëzohet aeroplani në Britani, alarm në aeroportin Southend në Londër
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
UK15 hours agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
-
Albania15 hours agoIronia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …