Ministri në detyrë për Evropën dhe Punët e Jashtme, Gent Cakaj ka parashtruar kërkesën para Komitetit të Ministrave që Kosova të anëtarësohet në Këshillin e Evropës.
Cakaj ka shkruar se mbështetja për anëtarësimin e Kosovës në KE është historikisht e drejtë dhe politikisht e arsyeshme, raporton Gazeta Express.
“Sot, në mbledhjen virtuale të Ministerialit të 130-të të Komitetit të Ministrave, mes tjerash, parashtruam qartë e prerë edhe kërkesën për anëtarësim të Republikës së Kosovës në Këshillin e Evropës. Një gjë është e sigurt: mbështetja e anëtarësimit të Republikës së Kosovës në Këshillin e Evropës, është jo vetëm historikisht e drejtë e politikisht e arsyeshme, por edhe kontribut i drejtpërdrejtë për forcim të demokracisë, sundimit të ligjit dhe të drejtave e lirive themelore në Evropë”, ka shkruar ai.