Arbitri nga Holanda, Bjorn Kuipers, do ta ndajë drejtësinë në ndeshjen finale të Evropianit ndërmjet Italisë dhe Anglisë, që zhvillohet në “Wembley” të dielën prej orës 21:00.
Kuipers do ta ketë Sander van Roekelin dhe Erwin Zeinstran si ndihmës të tij në fushë derisa arbitri i katërt do të jetë spanjolli Carlos del Cerro Grande. Ndërkohë, gjermani Bastian Dankert do të jetë në sistemin VAR, i asistuar nga holandezi Pol van Boekel dhe gjermanët Christian Gittelmann e Marco Fritz.
Kuipers 48-vjeçar, më herët ka ndarë drejtësinë në një ndeshje ndërmjet Italisë dhe Anglisë, të cilën e patën fituar italianët me rezultatin 2:1 në kuadër të fazës së grupeve në Kampionatin Botëror të vitit 2014.
