Ministri i Punëve të Jashtme të Turqisë, Mevlut Çavushoglu deklaroi se vendi i tij nuk injoronte asnjë lloj zgjidhjeje për Qipron, pasi ajo është një çështje kombëtare.
“Qiproja është kauza jonë kombëtare. Barazia dhe siguria e popullit qipriot turk janë të domosdoshme. Mbi këtë bazë, ne nuk përjashtojmë asnjë lloj zgjidhjeje”, theksoi Çavushoglu në Konferencën e 11-të të Ambasadorëve në Ankara.
“Porosia jonë për të gjithë të interesuarit në rajon (Mesdheu Lindor) është e njëjtë. Nëse bashkëpunoni me ne, të gjithë fitojnë”, theksoi kryediplomati turk.
“Turqia kurrë nuk do të lejojë hapa që injorojnë të drejtat dhe interesat legjitime të Turqisë dhe qipriotëve turq në Mesdheun Lindor, ‘në kryqëzimin e tre kontinenteve të botës’”, theksoi Çavuşhoglu.
Ai shtoi se Turqia mbështet një zgjidhje të përbashkët në të cilën burimet ndahen në mënyrë të barabartë./ATSH/
