Amerikanët e vaksinuar duhet të mbajnë sërish maska mbrojtëse në mjediset e brendshme me rrezik të lartë transmetimi të COVID-19, njoftuan sot autoritetet shëndetësore të vendit.
“Në zonat ku transmetimi i COVID-19 është i lartë, CDC rekomandon që personat e vaksinuar plotësisht të mbajnë maska në vendet e brendshme publike”, tha Rochelle Walensky, drejtoreshë e Qendrave për Parandalimin dhe Kontrollin e Sëmundjeve.
Ajo shpjegoi se kjo direktivë e re u bë e nevojshme nga përhapja e shpejtë e variantit Delta në SHBA.
